Сей бя́ше в ца́рство Диоклитиа́ново, и Алекса́ндра иге́мона: от гра́да Ки́зика. И Христо́ва ра́ди испове́дания, к ко́нем ди́виим привя́зан бысть, и тещи́ пону́жден быв, и без ми́лости бие́н, и в но́здри ему́ о́цет лют влия́ша. И и́ны мно́ги му́ки претерпе́в, и чудеса́ ве́лия среде́ собо́ра показа́в, и тве́рдыми свои́ми уче́нии А́рия посрами́. И Единосу́щна Сы́на Отцу́ испове́дав, и та́ко до́бре и боголюбе́зне пожи́в, и зако́нно пострада́в, ко Го́споду отъид́е.