Сей бя́ше при Де́кии царе́, и Уалериа́не, во́ин сый от восто́чныя страны́, сын не́коего Гордиа́на, ро́дом ски́фянина. Му́жествовав же на ва́рвары: а́нгелу тому́ я́вльшуся, и кре́пость подава́ющу: воево́да от царя́ учине́н быв. Христо́ва же ра́ди испове́дания предста́в Де́кию, и на четы́ри сохи́ растя́жен быв, и бие́н без ми́лости, с до́лу огню́ паля́щу, и́же и тече́нием кро́вным пога́сшу. И пове́шен бысть стремгла́в, и ка́мением тя́жким обложи́мь на протяза́ние жи́лам. И посе́м у́жем свя́зан быв ме́дным, и в Кесари́ю Каппадоки́йскую веде́н, и та́мо главу его́ отсеко́ша.