Иоа́нн во святы́х оте́ц нашь и́змлада Христа́ возлюби́в. Илиины́м и Иоа́нновым о́бразом уподо́бися. Оста́вив мир, и и́де в ла́вру Психи́я, и бысть мних, и прия́т от Бо́га дар бе́сы изгоня́ти, неду́ги исцеля́ти. И тружа́шеся во вре́мя иконобо́рец, и правове́рныя утвержа́я уче́нии свои́ми. И возвести́ша о нем мучи́телю. Призва́в же его́, и ну́димь бысть отврещи́ся поклоня́ния честны́х ико́н, и смеси́тися с е́ресию его́, и написа́тися в сви́тце непра́веднем, и не увеща́н бысть сотвори́ти того́. Но па́че обличи́в царя́, еретика́ наре́к его́, и заточе́н бысть иде́же мно́ги напа́сти претерпе́ от беззако́нник и непра́ведных иконобо́рец, ту коне́ц житию́ прия́т.