Пове́даху о отце́ Иоа́нне Ко́лове: я́ко шед к фиве́янину отцу́ в ски́те седя́щу в пусты́ни. Взем же оте́ц его́, всади́ дре́во су́хо, и рече́ ему́: По вся дни напая́й се корча́гом воды́, до́ндеже плод сотвори́т. Бе же дале́че от них вода́, у́тре ити́, и приити́ ве́чер. И в тре́тие лето оживе́ дре́во, и плод сотвори́. И взем оте́ц плод его́, и принесе́ его́ в це́рковь, глаго́ля бра́тии: Прииди́те и яди́те плод сей послуша́ния.