Филуме́н му́ченик бя́ше при Аврилиа́не царе́. В Ликао́нии живы́й, и жи́то продава́я в Гала́тстей стране́. Обо́лган бысть Фи́ликсу иге́мону, и христиани́на себе́ испове́дав. Пе́рвее гвоздьми́ пронзи́ша но́зе его́. Та́же пове́шен и стро́ган, и во огнь вве́ржен вели́к, и благода́тию Христо́вою здрав изше́д. И пото́м нагвозди́ша гвоздьми́ главу́ его́, и ру́це, и но́зе, и три́десять по́прищь гони́мь, доне́леже изнемо́г, предаде́ Бо́гу дух свой.