Глаго́лаху о еди́ном ста́рце, я́ко умира́я в ските́ возвести́. И обступи́ша бра́тия одр его́, и просте́рши нача́ша пла́катися. Отве́рз же о́чи свои́ возсмея́ся. И па́ки помолча́в возсмея́ся. И па́ки возсмея́ся и трети́цею. И моли́ша его́ бра́тия, глаго́люще: «Рцы нам о́тче, почто́ ся мы пла́чем, а ты смее́шися?». Он же рече́ им: «Возсмея́хся, я́ко вси боите́ся сме́рти. И втори́цею возсмея́хся, я́ко не́сте гото́ви. И возсмея́хся трети́цею, я́ко в поко́й гряду́». И а́бие сомже́ о́чи ста́рец.