Стихи́:

Слове́сными венцы́, я́ко честны́м ка́мением, венча́ется Стефа́н,

Сего́ же в пре́жде венча́ ка́мение:

В два́десять седмы́й ка́менная честь поби́ Стефа́на.

Сей, взыска́нию бы́вшу не́когда между́ иуде́и, и фарисе́и, и саддуке́и, и е́ллины о Го́споде на́шем Иису́с Христе́, и о́вем глаго́лющим, я́ко проро́к есть, и ине́м, я́ко льстец есть, други́м, я́ко Сын Бо́жий есть, став же Стефа́н на высоце ме́сте, благовествова́ всем Го́спода на́шего Иису́с Христа́, рек: Му́жи и бра́тие, вску́ю умно́жишася в вас зло́бы, и размеси́ся весь Иерусали́м? Блаже́н челове́к, и́же ве́рова в Го́спода на́шего Иису́с Христа́. Той бо есть «Преклонив́ый небеса́ и Соше́дый» грех ра́ди на́ших и роди́ся от Деви́цы Святы́я, Чи́стыя, и Избра́нныя пре́жде сложе́ния ми́ру. «Той не́мощи на́ша взят, и неду́ги понесе́»: слепы́я бо сотвори́л есть прозира́ти, прокаже́нныя очи́сти, и бе́сы прогна́.

Они́ же слы́шавше его́, весь сонм архиере́ов, «не можа́ху бо сопроти́вится прему́дрости и Ду́ху, е́же глаго́лаше». И вше́дше, приведо́ша му́жи не́которыя, глаго́лющая, я́ко слы́шахом сего́ беседующа глаго́лы ху́льныя на ме́сто свято́е и на зако́н, и про́чая собесе́довавше, я́коже в свяще́нных Дея́ниих Апо́стольских изоблича́ется. Воззре́вше же нань вси, и ви́деша лице́ его́, я́ко лице́ а́нгелово. И срамоту́ и уко́ру не терпя́ще, ка́мением побива́ху его́, моля́щуся ему́ и глаго́лющу: «Го́споди, не пост́ави им греха́ сего́».

И поне́же изря́дно, ра́ди мни́маго ему́ па́дшемуся телеси́, боже́ственый первому́ченик Стефа́н сопроти́вника низложи́в, и сла́дким сном почи́в. Ску́тано же бысть свяще́нное те́ло его́ благочести́выми му́жи, в ра́це соде́ланней затверди́вше, и близ це́ркве положи́ша. Зако́ну учи́тели же Гамалеи́л и сын его́ Аве́лие ве́роваша во Христа́, и от апо́стола креще́ни бы́ша. Соверша́ет же ся собо́р его́ в его́ муче́нии, близ Константиа́н.

Сей святы́й Фео́дор, ку́пно с свои́м бра́том Феофа́ном, при Фео́филе царе́ честны́х ра́ди ико́н, вели́кое дерзнове́ние показа́ста, и́мже и ли́ца их напи́сана бы́ста на челе́, повеле́ние Фео́фила царя́ иконобо́рца, си́це: Всем лю́бящым стица́тися ко гра́ду, иде́же пречи́стеи Бо́жии но́зе Сло́ва сташа, на воста́ние вселе́нныя. И яви́шася вечестно́му ме́сту сосу́да лука́ва злобесо́вныя че́сти, и та́мо же многая про́чее от неве́рствия показа́ста ме́рзская и лю́тая злочести́во и му́дрено: отону́дуже прогна́ни бы́ста я́ко и отступницы. Ко гра́ду же держа́вному прибе́гше, не изоста́виша неистоваго бу́йства. Тем и напи́саны бы́ша, я́ко злоде́и ве́домы, и осужда́ются, и па́ки прогна́ни быва́ют. И по́слани бы́ша во изгна́ние. Та́же ко Го́споду вели́кий уго́дник Фео́дор отъи́де. Глаго́лется же не́ким вели́ким ста́рцем прилучи́вшымся на успе́ние его́, а́нгельских сил пе́сни слы́шати. И то́го самого́ еди́наго от пою́щих бы́ти ку́пно.

Сей бя́ше Константи́ня гра́да рожде́ние, и воспита́ние. Бысть же пе́рвие мно́гаго ра́ди его́ благоче́стия, презви́тер Вели́кия церкве, та́же сигге́л и сосудохрани́тель. Патриа́рху же Константи́ня гра́да преста́вльшуся, пону́жден бысть все́ми боля́ры, и саме́м царе́м, па́че же от свяще́ннаго собо́ра прия́ти правле́ния церко́вная. И до́бре упра́вив два ле́та, и три ме́сяца, и ко Го́споду отъи́де. Пра́зднует же Це́рковь па́мять его́ в день неде́льный.

Мно́гаго бо воздыха́ния и уны́ния житие́ на́ше есть, и тле́нен есть мир сей. Наказу́ет Бог пре́жде уче́нием ду́ши челове́чески, я́ко мир ме́ртвен и жили́ще умира́ющих есть. О́вем убо причта́вшимся бра́ку скве́рныя ра́ди по́хоте и устремле́ния зла́го, и любви́ не́кия злы́я смуща́ющи: те́мже при́тча нам друга́я и печа́ль, хоте́ние де́тий, и пото́м о воскормле́нии и о наказа́нии, и о жене́ хране́ние, и о дому́, и о рабе́х заступле́ние; с сусе́ды свар; и тяза́ние о име́нии; беды́ о де́тех и труже́ние, и ки́й́ждо день прихо́дит, свое́ принося́ омраче́ние. Но́щию же прие́млющи дневны́я печа́ли, и те́ми мечты́ прельща́ется ум челове́ческий, в печа́лех и во зло́бах погряза́ет во окая́нстве жития́ своего́. Бо́гу на́шему сла́ва, ны́не и при́сно и во ве́ки веко́в. Ами́нь.