Сия́ жены божес́твенною ре́вностию подви́гшеся, и ост́авльше до́мы, и сро́дствия, в зе́млю чу́жду преидо́ша: и та́ко бежа́ще достиго́ша во Едес. И та́мо ходя́щым тем, внеза́пу яви́ся, муж и оте́ц, иму́ще во́инство, к зача́лу врато́м доспе́вше и я́ша я́, и доидо́ша во Иерапо́ль. Река́ же теча́ше путе́м, и́мже идя́ху. Они же утаи́шася от во́ин, яд́ущым им хлеб, и моли́твы сотво́рше наско́ре, внидо́ша в ре́ку, и оста́виша себе́, вда́вшеся струя́м водны́м, и та́ко сконча́шася. Разсудив́ше же, я́ко любве́ ра́ди Христо́вы, лу́чше есть водо́ю утопи́тися, не́жели беззако́нным в ру́це вда́тися.