Сей бя́ше рожде́ние име́ и воспита́ние Капетоли́и гра́да. Мудр зело́, и ра́зумом мно́ги приводя́ к Бо́гу. Бра́ку же приобщи́ся, и трем де́тищем оте́ц быв. Посе́м и́ноческое житие́ восприя́т, и презви́тером ну́ждею поста́влен, от епи́скопа Восто́рскаго. И я́ко учи́тель христиа́нский оклевета́н бысть ага́рянскому старе́йшине, и в Дама́ск заведе́н любве́ ра́ди Христо́вы. Пе́рвее язы́к его́ отре́заша, и ясне́йше возглаго́ла. Та́же отсеко́ша его́ десну́ю ру́ку, и но́гу: и о́чи его́ избодо́ша, и на кресте́ пригвожде́н. И главу́ его́ отсеко́ша, те́ло же его́ сожго́ша огне́м.