Сия́ свята́я Пелаги́я бя́ше при Нумериа́не царе́, от Антиохи́и Си́рския, ро́да сла́вна. Уве́дев же князь градски́й, я́ко христиа́на есть, и посла́ во́ины, е́же я́ти ю́. Они́ же ше́дше окрочи́ша дом ея́, хотя́ще ю́ восхи́тити. И уви́девши сие́ свята́я, помоли́вшися пожда́ти ю́. О́нем же послу́шавшим, и пожда́вшим ю́. Ста свята́я к восто́ку на ме́сте, иде́же име́яше обы́чай моли́тися. И просте́рши ру́це, и о́чи возде́вши на небо, и помоли́ся на мно́зе Бо́гу, е́же не преда́тися во́ину, но к Нему́ поити́, и бы́ти же́ртве непоро́чне, и чи́сте: И се ре́кши, че́стне себе́ ску́тавши, и предаде́ дух свой Го́сподеви.