Си́и бе́яху при Максимиа́не цари́. У́бо Се́ргие примики́р бе́яше Гонтили́йскаго полка́. Оклевета́ни бы́ша к царю́ и по́слани бы́ша ко иге́мону Антио́ху. И во град Африки́йский ве́дени бы́ша. И а́бие Вакх пе́рвие бие́н бысть жи́лами суро́выми на мно́ги часы́ и в тех му́ках предасть дух. Се́ргие же разли́чно испыта́н. И в сапоги́ желе́зны обуве́н быв, и тещи́ пону́жден быв дале́че. И в тех му́ках главу́ ему́ отсеко́ша.