Сий страда́вше в Ри́ме по сконча́нии же святы́х апо́стол, при Неро́не цари́. Петро́м апо́столом науче́н ко благоче́стию. В двадеся́тое же ле́то своего́ во́зраста святы́й Наза́рие сквозе́ Итали́йский град проходя́ и пропове́дуя, и к ве́ре мно́гих приве́д. Пото́м пре́йде в Плакенти́нь град, иде́же обре́те свята́го Герва́сия в темни́цу вве́ржена, Иулиа́ном кня́зем. Па́ки пре́йде в Кимили́ю град нарече́нный, прия́т с собо́ю свята́го Келе́сия, трем ле́том су́ща. А́бие вве́ржени бы́ша в темни́цу. И отту́де изше́дше, и идо́ша в Тивери́йский град благовеству́юще. Свя́зани бы́ша, и звере́м вда́ни, и сохране́ни бы́ша. Па́ки идо́ста в Медиола́нь и обрето́ста в темни́цы Герва́сия и Прота́сия, и́же по́слани бы́ша кня́зем в Рим. И та́мо им главы́ отсеко́ша.