Та бе́яше при Де́кии цари́ и Уалериа́не и при Про́ве иге́моне, ри́мляныни ро́дом, млада́ су́щи во́зрастом, и в не́коем монастыри́ пребыва́ющи. И сия́, дерзнове́нием испове́давши Христа́, и я́та бы́вши и бие́ма по лицу́ и по о́гненому у́глию просте́рта бы́вши, и на дре́ве пове́шена бы́вши и по всему́ те́лу стро́гана и у́дицами о́стрыми растерза́ется, и сосца́ ея́ отре́заша и но́гти ей искорени́ша и ру́це и но́зе ей отсеко́ша и язы́к ей изре́заша и зу́бы ей искорени́ша и наконе́ц главу́ ей отсеко́ша.