Си́и святи́и му́ченицы, во вся́ком благоче́стии живу́ще пре́жде, и Христа́ всем пропове́дающе: и мно́ги неве́рныя ко Го́споду обраща́юще, и крестя́ще во и́мя Отца́, и Сы́на, и Свята́го Ду́ха. Я́ти же бы́ша нечести́выми е́ллины, и мно́го му́чени бы́вше: гвоздьми́ до́лгими телеса́ прободо́ша им. И та́ко влеко́ми, и попира́еми без ми́лости на земли́ от муже́й, и от жен, и от дете́й, преда́ша Бо́гу святы́я своя́ ду́шы. Ве́рен же не́кто муж, и́менем Тере́нтий, взем честны́я сия́ мо́щи о́тай, положи́ я́ в Та́сстем о́строве я́же и до сего́ дне то́чат исцеле́ний да́ры ве́рным.