Р.

Ра́бъ, раба̀. Раба̀ не принима́ть въ мона́шество, ни въ кли́ръ, без̾ согла́сія господи́на. А҆по́ст. п҃в. Четв. д҃. Рабы̀ ѿпꙋска́ются на свобо́дꙋ, при тре́хъ свидѣ́теляхъ. Шест. п҃є. Ра́бъ, под̾ предло́гомъ благоче́стія, не до́лженъ ̾ѹ҆клоня́ться ѿ слꙋже́нія своемꙋ̀ господи́нꙋ. Га́нгр. г҃. Раба̀, вы́шедшая за́мꙋжъ про́тивъ во́ли господи́на, блꙋдодѣ́йствꙋетъ: Васі́л. м҃, м҃в. наси́лованная свои́мъ господи́номъ, непови́нна: Васі́л. л҃ѳ. ѡ҆вдовѣ́вшая, є҆́жели согласи́тся, под̾ ви́домъ похище́нія, на вторы́й бра́къ, не должна̀ бы́ть ѡ҆бвиня́ема, а҆ то́лькѡ подлежа́ть є҆пітіміѝ двоебра́чія. Васі́л. н҃г.

Разбо́йникъ. Взаи́мнѡ поража́ющіе разбо́йникѡвъ ѡ҆сꙋжда́ются. Васі́л. н҃є. Разбо́йникъ сꙋ́дится, ка́къ человѣкоꙋбі́йца. Григ. нѵ́сс. ѕ҃.

Разво́дъ не позволи́теленъ, кромѣ̀ слꙋ́чая прелюбодѣя́нія. Жена̀ не должна̀ разводи́ться съ мꙋ́жемъ потомꙋ̀, что̀ бье́тъ є҆ѐ, что̀ тра́титъ є҆я̀ и҆мѣ́ніе, что̀ ҃ѻ҆́нъ невѣ́рный. Васі́л. ѳ҃. Мꙋ́жъ не мо́жетъ развести́ся съ жено́ю потомꙋ̀, что̀ ҃ѻ҆на̀ ѡ҆держи́ма ѕлы́мъ дꙋ́хомъ. Тімоѳ. є҃і.

Раско́лъ. Пресвѵ́теръ, производя́щій раско́лъ, предае́тся а҆на́ѳемѣ. Карѳ. а҃, а҃і.

Раско́льникъ. Что́ є҆сть раско́льникъ; Васі́л. а҃. Съ раско́льниками и҆лѝ ѿщепе́нцами моли́ться не до́лжно. Лаод. л҃г. Про́тивъ неи́стовства раско́льникѡвъ до́лжно проси́ть по́мощи ̾ѹ҆ царе́й. Карѳ. р҃д. Раско́льническое креще́ніе до́лжно принима́ть. Васі́л. а҃. И҆з̾ ѡ҆брати́вшихся раско́льникѡвъ, є҆нкраті́тѡвъ, васі́лій вели́кій приня́лъ двꙋ́хъ на є҆пі́скопскꙋю ка́ѳедрꙋ. Та́мъ же.

Растлѣ́ніе. Растлѣ̑нія, быва́ющыя наси́ліемъ, не должны̀ ѡ҆браща́ться въ ѡ҆бвине́ніе растлѣ̑ннымъ. Васі́л. м҃ѳ.

Ригі́нъ є҆пі́скопъ кѵ́прскій. Трет. и҃.

Ри́мъ но́вый. Кѡнстантінопо́ль. Втор. г҃.

Ри́мскій є҆пі́скопъ до́лженъ и҆мѣ́ть вла́сть на за́падѣ. Пе́рв. ѕ҃. Престо́лъ є҆гѡ̀. Шест. л҃ѕ.

Риста́лище ко́нское. См. зрѣ́лище.

Роди́тель. Роди́телямъ не до́лжно ѡ҆ставля́ть свои́хъ дѣте́й под̾ предло́гомъ ѿше́льничества. Га́нгр. є҃і.

Родство̀ дꙋхо́вное. Родство̀ по дꙋ́хꙋ важнѣ́е сою́за по тѣ́лꙋ. Воспріе́млющіе дѣте́й ѿ свята́гѡ креще́нія, не должны̀ встꙋпа́ть въ бра́къ съ ма́терями и҆́хъ вдо́вствꙋющими. Шест. н҃г.

Родство̀ плотско́е. Не до́лжно встꙋпа́ть въ бра́къ съ до́черью бра́та своегѡ̀, ҃ѻ҆тцꙋ̀ и҆ сы́нꙋ съ ма́терью и҆ дще́рью, ҃ѻ҆тцꙋ̀ и҆ сы́нꙋ съ двꙋмя̀ дѣви́цами сестра́ми, ма́тери и҆ до́чери съ двꙋмя̀ бра́тьями, двꙋ́мъ бра́тьямъ съ двꙋмя̀ сестра́ми, женѣ̀ съ двꙋмя̀ бра́тьями, мꙋ́жꙋ съ двꙋмя̀ сестра́ми: Шест. н҃д. Неок. в҃. Васі́л. к҃г, ҃ѻ҃и, п҃з. Тімоѳ. а҃і. и҆на́че и҆́хъ совокꙋпле́ніе расторга́ется, и҆ ҃ѻ҆нѝ подлежа́тъ є҆пітіміѝ. Шест. н҃д. Васі́л. ҃ѻ҃и.

Ржⷭ҇тво̀ хрⷭ҇то́во. Дв҃а родила̀ невмѣсти́мое сло́во па́че ̾ѹ҆ма̀ и҆ сло́ва. Бж҃е́ственное рожде́ніе ѿ дв҃ы, ка́къ безсѣ́меннѡ бы́вшее, до́лжно и҆сповѣ́дываться безболѣ́зненнымъ. А҆ посемꙋ̀ вѣ̑рнымъ не до́лжно, по днѣ̀ рождества̀ хрⷭ҇то́ва, приготовля́ть и҆ передава́ть хлѣ́беннагѡ пече́нія, бꙋ́дто бы въ че́сть болѣ́зней рожде́нія дв҃ы марі́и. Шест. ҃ѻ҃ѳ.

Ро́скошь должна̀ бы́ть чꙋ́жда свяще́нническагѡ чи́на и҆ состоя́нія. Седм. ѕ҃і.

Ро́стъ. Никто̀ и҆з̾ причи́сленныхъ къ кли́рꙋ не до́лженъ бра́ть ро́ста съ дава́емагѡ и҆́мъ въ зае́мъ дрꙋго́мꙋ. А҆по́ст. м҃д. Перв. з҃і. Шест. а҃. Лаод. д҃. Карѳ. к҃а. Вино́вный, є҆́жели не перестае́тъ, лиша́ется са́на. А҆по́ст. м҃д. Перв. з҃і. Шест. і҃.

Рꙋкоположе́ніе. Рꙋкоположе́ніе должно̀ бы́ть по и҆спыта́ніи, съ согла́сіемъ свяще́нства, с. н҃а не та́йнѡ, но средѝ це́ркви, въ присꙋ́тствіи наро́да, и҆ при возглаше́ніи є҆пі́скопа. Ѳео́ф. з҃. Поставля́емые должны̀ бы́ть поставля́емы то́лькѡ ѿ свои́хъ є҆пі́скопѡвъ. Сард. є҃і. Не до́лжно рꙋкополага́ть и҆на́че, ка́къ съ назначе́ніемъ и҆́меннѡ къ и҆звѣ́стной це́ркви и҆лѝ въ монасты́рь. Четв. ѕ҃. Рꙋкополага́емые должны̀ полꙋча́ть ѿ рꙋкополага́ющихъ гра́маты, съ ѡ҆значе́ніемъ го́да и҆ дня̀ рꙋкоположе́нія. Карѳ. р҃. Никто̀ не рꙋкополага́ется втори́чнѡ въ тꙋ́ же сте́пень. А҆по́ст. ѯ҃и. Карѳ. л҃ѕ, н҃ѳ. То́лькѡ приня́вшіе рꙋкоположе́ніе ѿ є҆ретікѡ́въ мо́гꙋтъ сно́ва принима́ть рꙋкоположе́ніе ѿ правосла́вныхъ є҆пі́скопѡвъ А҆по́ст. ѯ҃и. Васі́л. а҃. Пока́явшихся не принима́ть рꙋкоположе́нія, не до́лжно принꙋжда́ть нарꙋша́ть кля́твꙋ. Васі́л. ч҃.

Рѣше́ніе. При прекосло́віяхъ дѣла̀ рѣша́ются большинство́мъ голосѡ́въ. Перв. ѕ҃. А҆нт. ѳ҃і. Согла́сное рѣше́ніе є҆пі́скопѡвъ должно̀ бы́ть тве́рдымъ. А҆нт. є҃і.